Boènne énnée à tertous

Allez, c'est en langue picarde que nous avons choisi de refermer 2006, grâce à la collaboration d'un Picard exilé au pays des cigales.

Jean-Marie Farcy, de Villeneuve-lès-Avignon, nous présente ses vœux. Extraits.

J'viens, fidèle comme Bâtisse, avant d'attatcher 2007, vous adrécher eine nouvelle foès eine boènne énnée pis surtout pus souhéter eine santé l'méeilleure possibe pis tout un tas d'choses agréabes à tertous. Ch'est aussi à no Picardie qu'mes veux y vont, pis à tous chés Picards, des geins qu'ont bien souffert au cours d'ech temps, souveint in silenche, résignés mais fiers éde leu région, d'leu terre. Je n'voudroais point oublier Adinvielle, min poéys, m'famille pis tous z'eutes, j'sus certain d'y r'tourner un jour, in longes vacanches, complètemeint dêfatidgé. J'vooudroais aussi tout partitchulièremeint associer à mes souhêts ch'Courrier Picard. Grâce à li, j'ai r'trouvé in copain d'école, perdu d'vue edpis pus d'chhinquante ans, ch'fiu d'echn boulindger d'ech poéys ? Il est bénévole edpis quarante ans au sporting club ede Flichcourt. In grand bravo tchot Dupuis ! J'y ai écrit ch'hour lo, pis y m'o rêpondu aussitôt, fin conteint in joègnant eine phot avec ses sept êfants. Quand o z'étoait mioche, y avoait deux écoles, 45 fius pis autant d'filles, cha galochoait a chés sorties. Y avoait aussi troés bistrots, eine épicerie, deux marécheux, y avoait aussi in teupier fidgure locale avec zézette sin tchien. Ch'qui m'rassure, ch'est l'binde éde jeunes qui s'otchupent d'éche poéys, y z'ont eine ardeur du diabe, bravo m'z'amis, ch'est point d'main qu'ech village d'Adinville y vo péricliter. j'vous rinfique coère in coeup eine boènne énnée 2007.

l'article est extrait du courrier picard du 29 décembre 2006.

Mise à jour le .